"Liverpul" yay transfer pəncərəsində altı futbolçusu ilə yollarını ayırmağı planlaşdırır.

Qol.az "The Athletic"ə istinadən xəbər verir ki, Mersisayd təmsilçisi əmək haqqlarını ödəyə bilmək və transferləri tamamlamaq üçün bəzi oyunçularla yolları ayıraraq vəsait yığmaq istəyir. Klub bu mövsüm demək olar ki, bütün transferlərini hissə-hissə həll edib və bu yay bəzi futbolçuları birdəfəlik ala bilər.

"Liverpul" ehtiyat qapıçı Adrianla yanaşı, bu mövsüm "Portu"da icarə əsasında oynayan yarımmüdafiəçi Marko Qruyiçə etibar etmir. Klubun Aleks Oksleyd-Çemberlenlə də yolları ayıra biləcəyi vurğulanıb. Satışa çıxarılması planlaşdırılan namizədlərin adları açıqlanmayıb.

Qeyd edək ki, "Liverpul" 23 turdan sonra İngiltərə Premyer Liqasının turnir cədvəlində dördüncü yerdə qərarlaşıb.