Avropa Liqası: “Fənərbağça” və “Arsenal”dan qələbə, “Roma” öz meydanında məğlub oldu - VİDEO
7-10-2022, 08:26
UEFA Avropa Liqasının qrup mərhələsində III turun oyunları başa çatıb.
Oyun günündəki 16 görüşdən son 8-i də artıq yekunlaşıb.
Türkiyə təmsilçilərindən B qrupunda yer alan “Fənərbağça” Kiprin AEK (Larnaka) komandasını qəbul edib. İstanbullular qonaqların qapısından iki cavabsız top keçirməklə matçda üstün tərəf olublar - 2:0.
Turnirin favoritlərindən hesab olunan İngiltərənin “Arsenal” komandası Norveç “Budö Qlimt”ini sınağa çəkib. Rəqibinə heç bir şans verməyən londonlular yekunda 3:0 hesablı qələbəni təmin ediblər.