Çempionlar Liqası: “Araz-Naxçıvan” son görüşündə də məğlub oldu - YENİLƏNİB
30-10-2022, 09:15
“Araz-Naxçıvan” futzal klubu UEFA Çempionlar Liqasının əsas mərhələsində son oyununu keçirib.
"Report"un məlumatına görə, Joze Alesio Da Silvanın baş məşqçi olduğu kollektiv V qrupdakı sonuncu görüşündə Bosniya və Herseqovina təmsilçisi “Mostar”la üz-üzə gəlib.
Oyun meydan sahiblərinin qələbəsi ilə yekunlaşıb – 3:2.
Qeyd edək ki, qrupda keçirdiyi ilk iki oyunda da uduzan "Araz-Naxçıvan" növbəti mərhələyə çıxmaq şanslarını bu oyuna qədər itirmişdi.
Çempionlar Liqası
Əsas mərhələ, III tur
“Mostar” (Bosniya və Herseqovina) – “Araz-Naxçıvan” – 3:2
Qollar: Aladzic, 3, 12, Saselli, 33 – Vitao, 23, Amenqual, 34
12:00
Bu gün “Araz-Naxçıvan” futzal klubu UEFA Çempionlar Liqasının əsas mərhələsində son oyununu keçirəcək.
“Report”un məlumatına görə, Joze Alesio Da Silvanın baş məşqçi olduğu kollektiv V qrupdakı sonuncu görüşündə Bosniya və Herseqovina təmsilçisi “Mostar”la üz-üzə gələcək. Oyun Bakı vaxtı ilə saat 22:00-da start götürəcək.
Qeyd edək ki, qrupda keçirdiyi ilk iki oyunda da uduzan “Araz-Naxçıvan” növbəti mərhələyə çıxmaq şanslarını itirib.
Çempionlar Liqası
Əsas mərhələ, III tur
“Mostar” (Bosniya və Herseqovina) – “Araz-Naxçıvan”
29 oktyabr. Mostar. Mithad Hujdur Hujka Arena. Saat 22:00
Hakimlər: Jan Kresta (Çexiya), Lukaş Peşko (Slovakiya), Josip Dujmiç (Xorvatiya)
Timekeeper: Farik Keco (Bosniya və Herseqovina)
Hakim-inspektor: Boqdan Soresku (Rumıniya)
UEFA nümayəndəsi: Viktor Beceyro (İspaniya)
