"İnter Mayami"nin həmsahibi Devid Bekhem Lionel Messi və Serxio Busketslə birgə şam yeməyi edib.

Publika.az xəbər verir ki, bu barədə Bekhem özü məlumat verib. O, sosial şəbəkədə şam yeməyindən foto yerləşdirib.

“Mükəmməl şam yeməyi... Ailə”, – Bekhem yazıb. Xatırladaq ki, Messi və Buskets “İnter Mayami”nin heyətində “Kruz Asul”la matçda debüt ediblər.

Hər iki futbolçu 54-cü dəqiqədə meydana daxil olub. Bu görüşdə argentinalı hücumçu 90+4-cü dəqiqədə cərimə zərbəsindən klubda ilk qolunu vurub. Messi “Atalanta Yunayted”lə növbəti oyunda da dubl edib.