Xames Rodriqes karyerasını Braziliyada davam etdirəcək
30-07-2023, 13:04
Kolumbiyalı yarımmüdafiəçi Xames Rodriqes karyerasını Braziliyanın “San-Paulu” klubunda davam etdirəcək.
Bu barədə jurnalist Fabrizio Romano özünün sosial şəbəkə hesabında məlumat yayıb.
O qeyd edib ki, 32 yaşlı futbolçu 2025-ci ilin iyun ayına qədər “San-Paulu”nun uğurları üçün çalışacaq.
Məlumat üçün əlavə edək ki, Xames Rodriqes bu günə qədər “Portu”, “Real”(Madrid), “Bavariya”(Münhen), “Everton”, “Olimpiakos” kimi klubların formasını geyinib.
