İtaliya futbolunun əfsanəvi qapıçısı, hazırda “Parma” forması geyinən Canluici Buffon 45 yaşında futbolla vidalaşdığını açıqlayıb.

Sosial media hesabı ilə futbolla vidalaşdığını açıqlayan Buffon “Hər şey üçün təşəkkürlər”, -yazaraq paylaşıb.

Karyerasına məhz “Parma”da başlayan və daha sonra 17 il “Yuventus”da çıxış edən qapıçı 2018-ci ilin yayında PSJ-yə keçib və növbəti mövsümdə “Yuventus”a qayıdıb. O, 2021-ci ilin yayında futbola başladığı “Parma”ya geri dönüb.
Buffon karyerası ərzində üç komandanın heyətində klub səviyyəsində 975 rəsmi oyuna çıxıb. O, 176 dəfə İtaliya millisinin formasını geyinib.

Mənbə: Haber Global