“Neftçi” Meksikanın “Krus Asul” klubunun futbolçusu Auqusto Lotti ilə anlaşa bilməyib.

Publika.az xəbər verir ki, argentinalı hücumçu ilə Azərbaycan təmsilçisi arasında danışıq aparılsa da, tərəflər ortaq məxrəcə gələ bilməyiblər. Lottiyə ölkəsinin başqa klubundan da maraq olduğu bildirilir.

Meksika KİV-ləri "Sabah"ın da futbolçunu heyətə qatmağa çalışdığını iddia edirlər. Paytaxt təmsilçisinin hazırda “Krus Asul”la danışıqlar apardığı bildirilir.

Qeyd edək ki, 1,5 milyon avro transfer dəyəri olan Auqusto Lottinin “Krus Asul”la müqaviləsinin müddəti 2026-cı ilin sonuna qədərdir.