Hücumçu Dieqo Kosta karyerasındakı əsas səhvlərlə bağlı sualı cavablandırıb.

Publika.az xəbər verir ki, Kosta karyerası ərzində xeyli səhvlər etdiyini bildirib.

“Karyeramda çoxlu səhvlər olub, amma həmişə mənim günahım ucbatından olmayıb. Məsələn, Antonio Konte ilə münaqişəyə görə "Çelsi"ni tərk etmək. Başqa bir səhv “Atletiko”dan ayrılmaqdır.

Həmin vaxt şəxsi həyatımda çətin anlar yaşadım, amma Dieqo Simeone məni başa düşmədi”, - deyə “Relevo” Kostadan sitat gətirib.

Kostanın son klubu İngiltərə "Vulverhempton"u olub. Futbolçunun komanda ilə müqaviləsi bu ilin iyununda başa çatıb. “Transfermarkt” internet portalına görə onun transfer qiyməti 2 milyon avrodur.