Məşhur braziliyalı ulduz Halk yenidən "öldürücü” zərbəsi ilə gündəmə gəlib.

Hazırda "Atletiko Mineyro”nun formasını geyinən 37 yaşlı hücumçu 40 metr məsafədən vurduğu qolla azarkeşləri ayağa qaldırıb. Hələ də var gücü ilə sol ayağından istifadə edən veteran hücumçu meydanın mərkəzindən vurduğu qollarla azarkeşləri heyrətləndirməkdə davam edir.

Təcrübəli ulduz Braziliya A Seriyasında "Sao Paulo"ya qarşı matçda təxminən 40 metr məsafədən vurduğu qolla komandasını irəli çıxarıb. Dördüncü dəqiqədə Halkın hesabı açdığı matçda "Atletiko Mineyro” 2-0 hesabı ilə qələbə qazanıb.

Çində keçirdiyi beş mövsümdən sonra Braziliyaya qayıdan hücumçu 2021-ci ildən "Atletiko Mineyro”nun formasını geyinir. O, son iki mövsümdə komandasının heyətində 65 qol vurub. Bu il isə qollarının sayı artıq 20-ni ötüb.