Səudiyyə Ərəbistanının “Əl-Hilal” futbol klubu "Paris Saint-Germain" (PSJ) klubunun braziliyalı hücumçusu Neymarı transfer edib.

Bu barədə klubun mətbuat xidməti məlumat yayıb.

Klub futbolçunun müqavilə imzalanmasına həsr olunmuş videonu təqdim edib. Qeyd olunur ki, yaxın vaxtlarda hücumçu yeni komandası ilə məşqlərə başlayacaq.

31 yaşlı futbolçu ilə imzalanan müqavilənin müddəti açıqlanmayıb.

Transfer qiyməti məlum deyil. Təsdiq olunmayan məlumata görə, klub braziliyalının transferi üçün 90 milyon avro ödəməyə razılaşıb.