Tanınmış məşqçi Andre Villaş-Boaş "Portu"nun prezidenti postuna namizədliyini rəsmən irəli sürüb,

Publika.az xəbər verir ki, bu barədə "Diario de Noticias" məlumat yayıb.

Apreldə keçiriləcək seçkilərdə Villaş-Boaşdan başqa biznesmen Nuno Lobo da iştirak edəcək.

46 yaşlı Villaş-Boaş 2010/11 mövsümündə "Portu"ya rəhbərlik edib. O, "əjdahalar"la Portuqaliya çempionatı və Avropa Liqası da daxil olmaqla 4 yarışın qalibi olub. Portuqaliyalı daha sonra "Çelsi", "Tottenhem", "Zenit", "Şanxay SİPG" və "Marsel"i çalışdırıb.

"Portu"nun hazırkı prezidenti Pinto da Kosta ardıcıl 16-cı müddətə namizəd olub-olmayacağını hələ açıqlamayıb. 86 yaşlı Da Kosta 1982-ci ildən kluba rəhbərlik edir və ən çox titul qazanan prezidentdir - 68 kubok.