"Liverpul"un hücumçusu Məhəmməd Salahın agenti Remi Abbas onun haqqında açıqlama verib.

O, müştərisinin Afrika Millətlər Kubokunda çıxış edən Misir millisinin düşərgəsində aldığı zədənin gözləniləndən gec sağalacağını bildirib:

“Məhəmmədin zədəsi ilkin düşündüyündən daha ciddi oldu. O, 2 oyunu yox, 21-28 gün buraxacaq. Onun Afrika Millət Kubokunda iştirak etmək üçün bir şansı var. İngiltərədə intensiv reabilitasiya keçmək və yenidən hazır olan kimi milliyə qayıtmaq”.

Qeyd edək ki, 31 yaşlı misirli qrup mərhələsinin Qana ilə oyununda (2:2) zədələnib. Salah ilk hissənin sonlarında əvəzlənmək məcburiyyətində qalıb. Müayinə zamanı sol ayağının arxa nahiyəsində əzələ zədəsi aşkarlanıb.