Çempionlar Liqasının 1/4 final mərhələsinin Dortmund "Borussiya"sı ilə "Atletiko" arasında keçirilən cavab matçından sonra sosial şəbəkələrdə rezonans doğuran epizod baş verib.

“Siqnal İduna Park” stadionunda keçirilən görüş məcmu hesabda yarımfinala yüksələn (ilk oyunda 1:2) “Borussiya”nın qələbəsi (4:2) ilə başa çatıb. Oyundan sonra almaniyalı yarımmüdafiəçi Yulian Brandt əlil arabasında olan azarkeşə öz formasını vermək üçün tribunaya qədər gedib. Həmin vaxt başqa bir azarkeş əlil şəxsin əlindən köynəyi qopararaq alıb. Bu zaman həmin azarkeş sevinc hisslərini belə bitirməmişdi.

“81 min insan arasında "ən axırıncı adam" olanda. Əlil arabası istifadəçisinin əlindən Brandtın hədiyyəsini qoparıb. Xahiş edirəm, ömürlük stadiona giriş qadağası qoyulsun”, - deyə sosial şəbəkələrdə bir istifadəçi yazıb və televiziya yayımından bu anın fraqmentini paylaşıb.

Eyni zamanda, şərhlərdə tələsməməyə çağırışlar edilib. Hadisə stadionun fiziki məhdudiyyətli şəxs üçün nəzərdə tutulmuş xüsusi hissəsində baş verdiyi üçün, Brandtın formasını götürən şəxs də fiziki məhdudiyyətli ola bilər

“Borussiya” baş verənlərdən xəbərdardır və azarkeşi tapmağa çalışır. ./publika.az