Beynəlxalq Kayak Federasiyasının (FIS) rəhbəri Yohan Elias Norveçdə xizəklə tullanma üzrə dünya çempionatında kostyumların dəyişdirilməsi ilə bağlı qalmaqalı biabırçılıq adlandırıb.

Demokrat.az xəbər verir ki, onun sözlərini NRK sitat gətirir.

Elias bildirib ki, hörmət və ədalət idmanımızın əsas dəyərləridir və burada manipulyasiyaya qətiyyən yer yoxdur.

O, həmçinin qeyd edib ki, bu maxinasiyalar çempionata və qələbə üçün vicdanla mübarizə aparan bütün idmançılara kölgə salıb.

Hadisə nəticəsində Olimpiya çempionları Marius Lindvik və İohann Andre Forfanq diskvalifikasiya edilib.