DÇ-2026-nın seçmə mərhələsi: İtaliya səfərdə darmadağın oldu VİDEO
7-06-2025, 09:21
Futbol üzrə 2026-cı il dünya çempionatının Avropa zonası üzrə seçmə mərhələsinin qrup görüşlərinin üçüncü turu çərçivəsində altı qarşılaşma keçirilib.
Oxu.Az xəbər verir ki, turun mərkəzi görüşü Osloda baş tutub.
Norveç yığması evdə İtaliya millisini qəbul edib. Oyun skandinaviyalıların inamlı qələbəsi ilə yekunlaşıb - 3:0.
Yağışlı hava şəraitində keçən matçda bütün qollar ilk hissədə vurulub. Ev sahiblərindən Sörlot, Nusa və Haaland fərqləniblər.
Digər görüşlərdə aşağıdakı nəticələr qeydə alınıb:
Estoniya - İsrail - 1:3
Şimali Makedoniya - Belçika - 1:1
Uels - Lixtenşteyn - 3:0
Çexiya - Monteneqro - 2:0
Cəbəllüttariq - Xorvatiya - 0:7
