“Sumqayıt» rəhbərliyinin Elvin Bədəlovla bağlı son qərarı bəlli olub.

«Kimyaçılar» 2018-ci ildən burada çıxış edən müdafiəçinin maaşını artırmaq fikrindən daşınıb.

Bu, kapitanın Samir Abasov vasitəsilə «Neftçi» ilə danışıqlar aparmasıyla bağlıdır. Rəsmilər uzun illərdir daim dəstək verdikləri «Zenit»in yetirməsinin bu hərəkətini ona bağışlamayıb.

Bədəlova bildirilib ki, yeni müqavilə imzalayarsa, məvacibi 15 min manata qaldırılmayacaq. Qalarsa, əvvəlkitək 13000 manat əməkhaqqı alacaq.

Bu isə o deməkdir ki, qalırsan, qal, gedirsənsə də, özün bilərsən, sənə yaxşı yol.

Maraq üçün bildirək ki, Bədəlov 2013-2016-cı illər aralığında “ağ-qaralar”ın heyətində 58 oyunda meydana çıxıb.