Fransa Peşəkar Futbol Liqasının İntizam Şurası mayın 17-də mövsümün son həftəsində keçirilən matçlarda qollarındakı LGBT rəmzini gizlətdikləri üçün futbolçuları cəzalandırıb.

Oxu.Az "Haber Global"a istinadən xəbər verir ki, Fransa Liqa 1-in "Olimpik Lion" klubunda çıxış edən serbiyalı futbolçu Nemanya Matiç və "Havr"da çıxış edən misirli futbolçu Əhməd Həsənə intizam şurası tərəfindən hər birinə 4 oyunluq cəza verilib.

Qeyd edək ki, şura öncəki illərdə də analoji qərarlarla yadda qalıb. Ötən il "Monako"da çıxış edən malili futbolçu Muhammed Camara da eyni səbəbdən 4 oyunluq cəzalandırılıb. Daha əvvəl isə "Nant"da oynayan misirli forvard Mustafa Məhəmməd LGBT təbliğatını əks etdirən forma geyinməkdən imtina etdiyi üçün heyətdən kənarlaşdırılıb və cərimələnib.