İtaliya B Seriyasında qalmaq üçün mübarizə aparan "Salernitana" klubu "Sampdoriya" ilə matçdan qayıdarkən baş verən kütləvi zəhərlənmə hadisəsi ilə üzləşib.

Klub 8 futbolçunun zəhərlənməsi ilə əlaqədar tərəflər arasında oynanılacaq təkrar pley-aut matçının təxirə salınmasını istəyib.

Oxu.Az "Haber Global"a istinadən xəbər verir ki, B Seriyasının pley-aut oyunlarında liqada qalmaq üçün mübarizə aparan "Salernitana" bazar günü səfərdə Sampdoriyaya 0:2 hesabı ilə uduzub.

Cavab matçında klub ən azından 2 qolluq fərqi aradan qaldırmalıdır. Lakin bu gözlənilməz hadisədən sonra komandanın həm fiziki, həm də psixoloji cəhətdən kritik matça çıxması demək olar ki, mümkünsüz görünür.