"İnter Mayami" klubunda forma geyinən Leo Messi artıq istənilən klubla transfer danışıqları apara bilər.
Bu barədə Argentina mətbuatı məlumat yayıb. 38 yaşlı ulduzun MLS klubu ilə müqaviləsinin müddəti dekabrın sonunda başa çatacaq. Bu səbəbdən Leo artıq istənilən klubla mümkün transfer barədə əlaqəyə keçə bilər.
Qeyd edək ki, L.Messi 2023-cü ildən "İnter Mayami"nin şərəfini qoruyur. O, bu müddətdə 63 oyun keçirib, 50 qol və 24 assistə imza atıb.