UEFA İngiltərənin "Kristal Pelas" klubunu növbəti mövsümün Avropa Liqasından kənarlaşdıra bilər.

32gun.az bildirir ki, Bu barədə məlumatı "Daily Mail" yayıb.

Məsələ Fransa təmsilçisi "Lion" klubunun etdiyi apellyasiya ilə bağlıdır. Fransanın Futbol Klublarının İdarəetmə və Nəzarət üzrə Milli Direktoratlığının (DNCG) qərarına əsasən, "Lion" yüksək liqadakı mövqeyini qoruyub. Buna səbəb klubun sahibi Con Tekstorun komanda üzərindəki payını satması göstərilir.

UEFA-nın qaydalarına görə, eyni şəxsə məxsus olan iki klubun eyni Avropa turnirində iştirakına icazə verilmir. Bu halda isə prioritet daha yüksək nəticə göstərmiş komandaya verilir. Qeyd edək ki, "Lion" milli çempionatda "Kristal Pelas"dan daha yüksək pillədə qərarlaşıb.

Xatırladaq ki, 2022-ci ilin yazında FIFA və UEFA Beynəlxalq Olimpiya Komitəsinin tövsiyəsinə əsaslanaraq Rusiya yığma komandasını və bütün rus klublarını bu təşkilatların nəzarətində olan yarışlardan uzaqlaşdırıb.