Bu gün Avropa Liqasının III təsnifat mərhələsinin cavab oyununda Azərbaycan təmsilçisi "Qəbələ” öz meydanında Yunanıstan "Panatinaikos”unu qəbul edib.

teref.az xəbər verir ki, ötən həftə səfərdə 0:1 hesabı ilə məğlub olan "Qəbələ" Bakıdakı oyunda mütləq qələbə qazanmalı olsa da, buna nail ola bilməyib.

Belə ki, oyunun ikinci hissəsində komandamız hesabda 1-0 qabağa keçsə də, üstünlüyünü qoruya bilməyib. Belə ki, yunan komandası 63 və 66-cı dəqiqələrdə 2 qol vuraraq, hesabda önə çıxıb – 1:2.

Bu məğlubiyyətdən sonra "Qəbələ" mötəbər turnirə vida edib.