Yasamal rayonunun Mirzə Fətəli küçəsində yerləşən yaşayış binalarından birində bədbəxt hadisə baş verib.


AzNews.az xəbər verir ki, 20-22 yaşlarında olan gənc qadın 10-cü mərtəbədə yerləşən mənzilin pəncərəsindən düşərək ölüb. Məlumata görə, hadisə qadın pəncərəni silərkən baş verib. Hadisə şahidlərinin sözlərinə görə, ehtiyatsız davrandığı üçün ayağı sürüşən qadın binanın həyətində yerləşən avtomobilin üzərinə düşüb.

Hazırda hadisə yerində faktla bağlı araşdırma aparılır.