Dünən gecə saatlarında Bakıda yaşadığı mənzildə meyiti tapılan Əli Şaxtaxtinskinin intihar etdiyi məlum olub. Lent.az-ın məlumatına görə, 1971-ci il təvəllüdlü Bakı şəhər sakini Şaxtaxtinski Əli Məhəmməd oğlunın meyiti Xaqani küçəsi ev 39 mənzil 12 ünvanında tapılıb. Onun meyiti istilik batareyasından asılmış vəziyyətdə aşkar olunub.

Araşdırmalar nəticəsində məlum olub ki, Əli Şaxtaxtinski oktyabr ayının 10-dan itkin düşüb və ayın 23-dən barəsində axtarış elan edilib. O, Xəqani küçəsindəki mənzildə kirayə yaşayırmış.

Araşdırmalar davam etdirilir.

***

3 noyabr 22:00

Bakının Səbail rayonunda mənzildə meyit tapılıb.

Lent.az-ın Fövqəladə Hallar Nazirliyinin saytına istinadən verdiyi məlumata görə, nazirliyin Böhran Vəziyyətlərində İdarəetmə Mərkəzinə Bakı şəhəri, Səbail rayonunda mənzildə 1971-ci il təvəllüdlü Şahtaxtinski Əli Məhəmməd oğlunun bağlı qapı arxasında qalması barədə məlumat daxil olub.

Hadisə yerinə cəlb edilmiş xilasedicilər mənzilin giriş qapısını açıb və adı çəkilən şəxsin cəsədini aşkar edibh. Ə. Şahtaxtinskinin cəsədi aidiyyəti üzrə təhvil verilib. Əməliyyat saat 19:51-də başa çatıb.