Özbəkistanın Yol Təhlükəsizliyi İdarəsi təcrübi olaraq yenilik etmək qərarına gəlib.

KONKRET.az-ın Mərkəzi Asiya ölkələri üzrə bürosu xəbər verir ki, Özbəkistanın paytaxtı Daşkəndin bir neçə qovşaqında baş verən yol qəzalarının qarşısını almaq üçün işıqforun işləmə rejimində dəyişiklik baş verib.

Artıq yaşıl və qırmızı rənglərə keçid üçün sarı işıqdan istifadə edilməyəcək. Polislər bu addımı sürücüləri daha diqqətli olmağa çağırış məqsədilə atıldığını izah edirlər.

Bu mərhələdəki yenilik tam rejimdə işləyir.

Sürücülər işıqforların yeni işləmə rejiminə artıq alışırlar və yol polisi əməkdaşlarının müşahidələrinə görə, effektiv siqnala əvvəlkindən daha ölçülü və sakit şəkildə reaksiya verilir.