Kanadada polislə cinayətkar arasında atışma olub.

Bununla bağlı Kanadanın CBC telekanalı məlumat yayıb.

Atışma nəticəsində bir nəfər ölüb, iki nəfər xəsarət alıb.

Hadisə Toronto şəhərindən 135 kilometr aralıdakı Kavarta-Leyks şəhərciyində baş verib. Ölənin azyaşlı olduğu və yaxınlıqdan keçdiyi bildirilib.

Polislərdən biri və silahlı cinayətkar yaralanıb. İnsidentin səbəbləri məlum deyil. Cinayətkar saxlanılıb.