İŞİD qruplaşması daha bir tükürpədici video yayımlayıb.

Modern.az xarici KİV-ə istinadən xəbər verir ki, ötən gecə şəbəkədə yerləşdirilən videoda Britaniya vətəndaşı olan 4 yaşlı İsa Deyr detonatorun düyməsinə basmaqla arxasındakı avtomobili havaya uçurdur.
Videoda iddia olunur ki, maşındakı 3 nəfər şəxs İŞİD-ə xəyanət etmiş casuslardır.

Britaniya mətbuatı İsa Deyri “cihadi cunior” adlandırıb. O, həyatının böyük hissəsini İŞİD-in düşərgələrində keçirib.

İsa Deyrin anası ingilis milliyətindən olan Qreys Deyrdir. O, İslam dinini qəbul edərək radikal terrorçulara qoşulmuşdu. Özünə Xədicə adı seçən Qreys Deyr ən böyük arzusunun İŞİD-in tərkibində baş kəsən ilk qadın olmaq olduğunu demişdi.