Ər arvadını bıçaqlayan zaman atası ilə anasının davasının qarşısını almağa çalışan 2003-cü il təvəllüdlü Məmmədova Gülmira Aqil qızı da sol əlindən bıçaqlanıb.

APA-nın xəbərinə görə, yaralı xəstəxanaya yerləşdirilib. Həyat yoldaşı tərəfindən bıçaqlanan 1977-ci il təvəllüdlü Məmmədova Gülmira Cümşüd qızının vəziyyəti ağırdır.

O, 3 saylı şəhər xəstəxanasının reanimasiya şöbəsinə yerləşdirilib.

00:49

Dekabrın 15-də gecə saatlarında Sabunçu rayonunda bıçaqlanma hadisəsi baş verib.

Bu barədə Daxili İşlər Nazirliyi (DİN) məlumat yayıb.

Bildirilib ki, hadisə rayonun Sabunçu qəsəbəsində baş verib.

Belə ki, 1973-cü il təvəllüdlü Aqil Məmmədov 1977-ci il təvəllüdlü həyat yoldaşına bıçaqla ağır bədən xəsarəti yetirib. Qadın xəstəxanaya yerləşdirilib, vəziyyəti ağır kimi qiymətləndirilir.

Polisin keçirdiyi tədbirlərlə A.Məmmədov saxlanılıb.

Faktla bağlı araşdırma aparılır.