Ermənistan itkin düşən hərbçimizə cinayət işi açdı

28-02-2024, 13:48           
Ermənistan itkin düşən hərbçimizə cinayət işi açdı
Ermənistan Milli Təhlükəsizlik Xidməti əlverişsiz hava şəraitində istiqaməti itirərək azan Azərbaycan hərbçisi barədə məlumat yayıb.

TEREF xəbər verir ki, qurum hərbçimizin saxlanıldığını bilirib.

Açıqlamada deyilir ki, fevralın 28-də saat 05:15 radələrində Azərbaycan-Ermənistan şərti sərhədinin Sünik vilayətinin Teğ kəndi istiqamətində Azərbaycan Silahlı Qüvvələrinin hərbçisi təmas xəttini keçib.

Hərbçimizin Ermənistan ordusunun əsgərləri tərəfindən saxlanıldığı bildirilir. Hadisə ilə bağlı cinayət işi açılıb.

Azərbaycan Müdafiə Nazirliyinin yaydığı məlumata görə, Fevralın 28-i səhər saatlarında Azərbaycan Ordusunun əsgəri Pənahov Ruslan Eldəniz oğlu Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb. Hərbi qulluqçumuzun tapılması məqsədilə dərhal başlanılan axtarış tədbirləri davam etdirilir. Hadisə ilə bağlı ictimaiyyətə əlavə məlumat veriləcək. (yenisabah.az)













Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.