Ukraynanın Mədəniyyət və İnformasiya Siyasəti Nazirliyinin komissiya üzvü Ternopil vilayətinin Kremenets şəhərində Epifaniya monastırını yoxlayarkən qəflətən dünyasını dəyişib.

32gun.az xəbər verir ki, bu barədə yerli “Urgent” nəşri məlumat yayıb.

Onun sözlərinə görə, idarənin nümayəndəsi sentyabrın 5-də dünyasını dəyişib.

“Kremenets-Poçayev Dövlət Tarix-Memarlıq Qoruğunun, yəni Epifaniya monastırının dövlət əmlakının mühafizəsi vəziyyətinin yoxlanılması zamanı komissiyanın nümayəndəsi qəfil dünyasını dəyişib”, - məlumatda deyilir.

Nəşrin məlumatına görə, polis zorakılıqla ölüm əlaməti aşkar etməyib.

Ukrayna Mədəniyyət Nazirliyi nəzdində ölkə ərazisində yerləşən monastır və kilsələrin dövlət əmlakının mühafizəsi vəziyyətini yoxlayan komissiya yaradılıb.