Xəbər verdiyimiz kimi, fevralın 28-də Ermənistan-Azərbaycan sərhədində zəlzələ baş verib.

Virtualaz.org-un tert.am-a istinadən məlumatına görə, Qafan merinin mətbuat katibi Armin Avakyan deyib ki, şəhərdə bu gün saat 10:17-də qeydə alınan zəlzələ nəticəsində bütün infrastrukturlardan uşaqlar təxliyə olunub, dağıntılar qeydə alınmayıb.

"Əvvəlcə təkanlar güclü idi və səs-küylü idi. İnsanlar ilk anlarda elə bildilər ki, nəsə partlayış baş verib. Sonra afterşok izləndi və aydın oldu ki, zəlzələ baş verib", - deyə Armin Avakyan bildirib.

Mətbuat katibi bildirib ki, təkandan sonra telefon bağlantılarında, həmçinin internetə girişdə problem yaranıb: "Buna görə təlaş başlandı, ancaq meriyanın əməkdaşları şəhəri gəzdilər və xəbərdarlıq etdilər ki, dağıntılar və itkilər qeydə alınmayıb".

---------

11:44

Ermənistan ərazisində zəlzələ olub.

Milli.Az xəbər verir ki, AMEA nəzdində Respublika Seysmoloji Xidmət Mərkəzindən APA-ya verilən məlumata görə, zəlzələ yerli vaxtla saat 10:28-də Ordubaddan 37 km şimal-şərqdə, Ermənistan ərazisində qeydə alınıb.

3.5 maqnituda, 11 km dərinlikdə baş verən yeraltı təkan Ordubad ərazisində 3 bala qədər hiss olunub.