Hindistanda cəmi 6 saat əvvəl dünyaya gələn körpə qızı diri-diri torpağa gömülüb. Moderator.az xəbər verir ki, diri-diri basdırılan körpədən ətrafdakılar xeyli müddətdən sonra xəbərdar olub. Çağa son anda torpağın altından çıxarılaraq, xilas edilib. Torpaqdan çıxarılan körpə uşaq xəstəxanasına göndərilib.

Körpəni xilas edən Ranjan adlı şəxs onun ayaqlarının bir hissəsinin basdırılmayaraq, torpaqdan çöldə qalması səbəbindən onu gördüyünü və xilas etdiyini deyib. Başı və bədəni torpağa basdırılan körpəni ayaqları xilas edib. Hindistan Səhiyyə Nazirliyi bir neçə saatdan sonra körpənin durumunun yaxşı olduğunu bildirib.