O həm də qarət olunub

Moskva polisi Rusiya Daxili İşlər Nazirliyinin güllələnən əməkdaşı qatilini axtarır. İstiPress “RİA”ya istinadən xəbər verir ki, bunu nazirliyin nümayəndəsi İrina Volk deyib.

Bu gün səhər Moskvanın Osennoy küçəsində yaşayış binasının qarşısında naməlum şəxs bir kişini qarət edib, daha sonra onu öldürərək hadisə yerindən qaçıb. Sonradan onun Daxili İşlər Nazirliyinin təmir-tikinti idarəsinin əməkdaşı olduğu müəyyən edilib. Paytaxt polisi cinayət işi açıb və qanunsuz silah gəzdirən şəxsi axtarır.

Volkun sözlərinə görə, DİN əməkdaşına maşın dayanacağında hücum olunub, çantası götürülüb və sinə nahiyəsinə müəyyən edilməyən silahdan atəş açılıb. O, aldığı yaradan yerindəcə keçinib.