Braziliyada 11 avtomobilin toqquşması nəticəsində 8 nəfər ölüb, 64 nəfər xəsarət alıb
17-07-2018, 08:18
Braziliyada 11 avtomobilin toqquşması nəticəsində azı 8 nəfər ölüb. APA-nın “RİA Novosti”yə istinadən verdiyi xəbərə görə, qəza Minas-Jerays ştatında magistral yolda baş verib. Məlumata görə, qəza zamanı 5 minik, 5 yük avtomobili və 1 avtobus toqquşub. Qəzadan sonra hadisə yerində yanğın baş verib.
Son məlumata görə, qəza nəticəsində 64 nəfər xəsarət alıb. Ölənlərdən dördü diri-diri yanıb.
Yolda hər iki istiqamətdə hərəkət dayandırılıb.
Ölənlərin sayının artacağı istisna edilmir.
