Baş nazir Nikol Paşinyanın təxribat xarakterli hərəkətləri olmasaydı, müharibə baş verməz və Ermənistan belə alçaldıcı vəziyyətə düşməzdi.

Virtualaz.org yerli KİV-ə istinadən bildirir ki, bunu Ermənistanın Siyasi İqtisadiyyat İnstitutunun rəhbəri Andranik Tevanyan deyib.

O qeyd edib ki, N.Paşinyanın siyasəti Ermənistan dövlətçiliyinə böyük zərbə vurub. N.Paşinyanın rəhbərlik etdiyi dövlətin müharibədə məğlub olması heç də təəccüblü deyil və gözlənilən idi. Əgər Ermənistana N.Paşinyan rəhbərlik etməsəydi, belə rüsvayçı məğlubiyyətə uğramazdıq. Nə qədər ki, ölkəyə N.Paşinyan rəhbərlik edir, biz daim məğlubiyyətə məhkum olacağıq.

A.Tevanyan nəzərə çatdırıb ki, Nikoldan ötrü insanlar küçələrə çıxıb, günlərlə kütləvi aksiyalar keçirərək “yüksək həyat”, “Nikol baş nazir olsun” şuarlarını səsləndirirlər. Lakin Nikol hakimiyyətə gəldikdən sonra nəinki yaxşı heç nə olmadı, əksinə, Ermənistan dövlətçiliyi təhlükə altına düşdü. İndi Nikolu dəstəkləyən adamlardan soruşmaq lazımdır ki, haradadır həyat vədləri?!