Rusiya Liberal Demokratik Partiyasının sədri və Dövlət Dumasının deputatı Vladimir Jirinovskinin ölüm xəbəri yayılıb.

Bu barədə İnterpress.az-a Rusiyada yaşayan mənbə məlumat verib.

İddia olunur ki, 75 yaşlı siyasətçinin vəziyyəti daha da ağırlaşıb və həkimlərin səyinə baxmayaraq, onu komatoz vəziyyətdən xilas etmək mümkün olmayıb.

Qeyd edək ki, Jirinovski bir neçə gündür ağır vəziyyətdə paytaxt Moskvanın Mərkəzi Klinik Xəstəxanasına yerləşdirilib.

Həkimlər xəstəxanaya qəbul edilən gündən onun vəziyyətini ağır olaraq qiymətləndirib.