“Zalujnı Ukrayna ordusunun əks-hücumunun demək olar ki, başa çatdığını hesab edir, amma Zelenski bununla razılaşmır”

Ukrayna qoşunlarının baş komandanı Valeri Zalujnı və ölkə Prezidenti Volodimir Zelenski arasında əks-hücumun başa çatması ilə bağlı fikir ayrılığı yaranıb. AYNA xəbər verir ki, bu barədə Britaniyanın “The Times” qəzeti məlumat yayıb.

Məqalədə qeyd edilib ki, Zalujnı Ukrayna ordusunun əks-hücumunun demək olar ki, başa çatdığını hesab edir.

“Komandan Ukraynanın əlində olanı qoruyub saxlamağın və gələn il üçün əməliyyata hazırlamağın doğru olduğunu düşünür. Lakin Prezident Zelenski bununla razılaşmır”, - deyə məqalədə qeyd olunub.

Bildirilir ki, eyni zamanda, Ukrayna rəhbəri anlayır ki, Qərb ölkələrinin səbiri hədsiz deyil.

Qəzet qeyd edir ki, o, yay əks-hücumunda daha çox uğurun əldə olunmamasından məyusdur.

Müəllif: Ayna.az