İranın hücumu nəticəsində zərərlər... - İsrail açıqladı

14-04-2024, 12:48           
İranın hücumu nəticəsində zərərlər... - İsrail açıqladı
İsrail ordusu İranın PUA və raketlərinin 99%-ni zərərsizləşdirib.

Axar.az xəbər verir ki, bu barədə İsrail ordusundan məlumat verilib.

Məlumata görə, İranın göndərdiyi 185 PUA-nın heç biri İsrailə çatmayıb.

Bildirilib ki, İran ordusu dünənki əməliyyat zamanı İsrailə 36 qanadlı və 110 ədəd “yer-yer” tipli ballistik raket atıb.

“İranın PUA və qanadlı raketləri İsrailə çata bilmədi və zərərin əsas hissəsi hava hücumundan müdafiəni aşmış bir neçə ballistik raket tərəfindən olub”, - məlumatda qeyd olunub.

İsrail ordusunun sözçüsü Daniel Haqarinin məlumatına görə, zərbələr zamanı Nevatim aviabazasına cüzi ziyan dəyib.

İsrailin Beer-Şeba xəstəxanası onlara 11 yaralının gətirildiyini bildirib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.