Həkim-pediatr Vaqif Qarayev ölkədəki dərman qiymətləri və dərmanların keyfiyyətindən gileylənib. Həkim tez bir zamanda bu problemlə bağlı tədbir görülməli olduğunu bildirib.

Tribunainfo.az-ın xəbərinə görə, pediatr bildirib ki, ölkədə heç də hər kəsin Alman apteklərindən keyfiyyətli dərman almağa imkanı yoxdur:

“Alman aptekinə hamı gedə bilmir, hamı oradan dərman ala bilmir. Dərmanların keyfiyyəti və qiyməti ilə bağlı illərdir müzakirələr gedir. Hətta Milli Məclisdə bir sıra deputatlar bu barədə dəfələrlə məsələ qaldırıblar. Ancaq işıq görünmür.

Özümüz dərman istehsal etməliyik!
Ambulator yazılan dərmanlar İcbari Tibbi Sığorta paketinə daxil edilməlidir!
Dünyanın hər bucağında “istehsal” olunan dərmanlar ölkə sərhədindən içəri buraxılmamalıdır”.