...2023-cü ildə Rusiya məhkəmələri dövlətə xəyanət (Cinayət Məcəlləsinin 275-ci maddəsi, maksimum cəza - ömürlük həbs), casusluq (Cinayət Məcəlləsinin 276-cı maddəsi, maksimum cəza - 20 il həbs) maddələri ilə məhkumların sayına görə rekord qoyublar.

Bundan əlavə dövlət sirrinin açıqlanması (CM-nin 283-cü maddəsinin 1-ci hissəsi, maksimum cəza - 4 il azadlıqdan məhrum etmə) sahəsində də “tərəqqi” əldə edilib.

SİA-nın elə rus saytlarından əldə etdiyi məlumata görə,Cinayət Məcəlləsinin hər üç maddəsi üzrə rekord qeydə alınıb.

Belə ki, ötən il Rusiyada 39 nəfər dövlətə xəyanət maddəsi ilə mühakimə olunub. Əvvəlki rekord 2022-ci ildə qeydə alınıb - 16. Beləliklə, il ərzində bu maddə ilə məhkum olunanların sayı təxminən 2,5 dəfə artıb.

2023-cü ildə 9 nəfər casusluqda mühakimə olunub. Əvvəllər 2018-ci il rekord il hesab olunurdu ki, bu maddə ilə 4 nəfər məhkum edilmişdi. Ötən il dövlət sirrini yaymaqda təqsirli bilinən 73 nəfər məhkum edilib ki, bu da əvvəlki rekordun qeydə alındığı 2022-ci illə müqayisədə dörd nəfər çoxdur.

...Qeyd edək ki, 2023-cü il fevralın sonunda Vladimir Putin Federal Təhlükəsizlik Xidməti əməkdaşlarına müraciət edərək, “cəmiyyəti parçalamağa çalışan” “pisliklərlə” mübarizə aparmağı və xarici casusların daha fəal axtarışını tələb etmişdi.

Ötən ilin aprelində Rusiya Federasiyasının prezidenti dövlətə xəyanətə görə ömürlük həbs haqqında qanun imzalayıb. Bundan əvvəl cəzaya 12 ildən 20 ilə qədər həbs də daxildir. 2023-cü ilin avqustunda Putin Federasiya Şurası və Dövlət Dumasının üzvlərinə ötən ilin birinci yarısında gördüyü işlərə görə təşəkkür edib, nəticədə Rusiya qanunvericiləri 500-ə yaxın qanun qəbul ediblər.

Qeyd edək ki, həmən qanunların əksəriyyəti repressiv xarakter daşıyır.