İsrail qüvvələri bazar ertəsi Qəzza zolağı boyunca və Livanın cənubunda Hizbullah militantlarına qarşı hava hücumları həyata keçirib.

Sakinlər həmçinin Qəzzanın şimalında İsrail hərbi qüvvələrinin anti-terror əməliyyatları həyata keçirdiyini dediyi Qəzza şəhərində tank əməliyyatı apardığı barədə məlumat verib.

İsrail Müdafiə Qüvvələri Qəzzanın cənubunda 30-dan çox militantın öldürüldüyünü bildirib.

Son zorakılıqlar İsrail etirazçılarının atəşkəs və baş nazir Benyamin Netanyahunun istefası çağırışı ilə ölkə boyu magistral yolları bağlamasından bir gün sonra baş verib.

Bazar günü "Qırılma günü" aksiyası yerli vaxtla səhər saat 6:29-da HƏMAS militantlarının keçən il oktyabrın 7-də İsrailə doğru ilk raketləri atdığı, 1200 nəfərin ölümünə və 250-yə yaxın girovun əsir düşməsinə səbəb olan hücumun baş verdiyi an qeyd edilib.

Etirazçılar əsas yolları bağlayıb və İsrail parlamenti üzvlərinin evləri qarşısında nümayiş keçirib. Qəzza ilə sərhəd yaxınlığında israilli etirazçılar öldürülən və qaçırılanların simvolu olaraq, havaya 1500 qara və sarı şar buraxıb.

Qəzzada Səhiyyə Nazirliyinin məlumatına görə, HƏMAS-ın oktyabr ayında hücumundan sonra İsrailin Qəzzaya qurudan və havadan əks hücumu 38 mindən çox fələstinlinin ölümünə səbəb olub. İsrail HƏMAS-ın hələ də hərbçilərin bildirdiyinə görə, 42 nəfər ölən də daxil olmaqla, 116 nəfəri girov saxladığına inandığını bildirir.

Hər iki tərəf əhəmiyyətli fikir ayrılıqlarının qaldığını desə də, HƏMAS hər hansı razılaşmanın müharibənin tam dayandırılmasını ehtiva edən tələblərindən imtina etdikdən sonra İsraillə HƏMAS çətin atəşkəsə yaxınlaşa bilər.

Döyüşlərə son qoyulması ilə bağlı danışıqlar həftələrdir dalana dirənib. Lakin iki HƏMAS rəsmisi bazar günü qrupun ABŞ-ın müharibəni bitirmək planının əsas hissəsini qəbul etməsindən beş gün sonra İsraildən atəşkəs təklifinə cavab gözlədiyini deyib.

"Biz cavabımızı vasitəçilərə verdik və işğalçının cavabını gözləyirik", adının açıqlanmasını istəməyən HƏMAS rəsmilərindən biri Reuters xəbər agentliyinə deyib.

Qəzza ilə bağlı üç fazalı atəşkəs planı mayın sonunda ABŞ prezidenti Co Bayden tərəfindən təklif edilib və hazırda danışıqlar Qətər və Misirin vasitəçiliyi ilə həyata keçirilir. Məqsəd müharibəni bitirmək və qalan girovları azad etməkdir.

Keçən ilin noyabr ayında bir həftəlik atəşkəs zamanı 100-ə yaxın girov İsrail tərəfindən həbs edilmiş yüzlərlə fələstinlinin qarşılığında azad edilib.