İranın Sistan və Bəlucistan əyalətinin Taftan bölgəsinin Gövhər Kuh rayonunda terror aktı nəticəsində ən azı 10 hüquq-mühafizə orqanı əməkdaşı həlak olub.
Yeniavaz.com xəbər verir ki, bu barədə İran Daxili İşlər Nazirliyi məlumat yayıb.
Məlumata görə, İranın daxili işlər naziri Eskəndər Momeni insidentin miqyasını araşdırmaq üçün xüsusi heyətin yaradılması barədə göstəriş verib.
İran Qızıl Aypara Cəmiyyətinin məlumatına görə, sayı açıqlanmayan yaralılar xəstəxanalara aparılıb.
Sistan və Bəlucistan əyalətinin polis idarəsinin bəyanatında deyilir ki, hələlik heç bir terror qruplaşması hücuma görə məsuliyyəti üzərinə götürməyib.