Kahramanmaraşda 20 ildir yoxa çıxan iki bacı Fatma Alıç ilə Gülcan Alıçın meyitləri tapılıb.

Parol.az xəbər verir ki, məlum olub ki, onlar elə 20 il əvvəl qətlə yetirilərək bir bağ evinin bağçasında basdırılıb.

Qızların valideyinləri 7 ay öncə yenidən polisə müraciət edərək onlardan bu zamana kimi bir xəbər ala bilmədiklərini bildirərək, öldü-qaldılarını müəyyənləşdirmək üçün polisdə kömək istəyiblər.

Araşdırma zamanı polis son 20 ildə bacılarla bağlı hər hansı bir izə rast gəlməyib.

Cinayət Axtarış Şöbəsində xüsusi qrup yaradılıb. Təxminən 100 nəfərin məlumatını tələb edən polisin diqqətini Gülcan Alıçın birlikdə yaşadığı Behçet Y. və onun əmisi oğlu Mövlud D. çəkib. Əmioğluların hərəkətlərindən şübhələnən xüsusi qrup Behçet Y. və Mövlud D-ni saxlayıb.

Şübhəlilər 20 il əvvəl törətdikləri cinayəti etiraf ediblər. Hadisənin qısqanclıq zəmnində baş verdiyini deyiblər. Basdırıldıqları yerin yaşadıqları bağda yerləşdiyini bildiriblər. Qazıntı apararkən insan sümükləri aşkar edilib.

Faktla bağlı cinayət işi açılıb, araşdırma aparılır.