44 günlük savaşda Qarabağı azad edən Azərbaycan Xalqı olub!
Bəs Azərbaycan xalqı və ordusu 1918-20-ci illərdə Bakını necə azad
etmişdi?
Dünən 31 mart günü idi. Bu gün tarixdə unudulmaması lazım olan gündür. Bu gün tarixdən dərs çıxarmaq, daha gözəl Azərbaycan inşa etmək üçün ibrət günüdür.
Dünən bütün günü internet resurslarında məhz ermənilərin törətdiyi s..yqırımları araşdırdım.
Bakının Qafqaz İslam Ordusu tərəfindən işğaldan azad edilməsindən, Cümhuriyyətimizin çöküşünə qədər. 12 saat bütün video, foto materialları, arxiv sənədlərini izlədim və incələdim.
Türkiyə qaynaqlarında 1918-ci ildə Azərbaycan əhalisini əsasən Nuru Paşaya yardım etməməkdə, insanların rus çarizmi tərəfindən köləliyə öyrədilməsindən gileylənilir və insanlarımız tənqid edilir .
Hətta Youtube platformasında ən böyük tarixi belgesel kanalında - "DFT Tarih" kanalında təxminən belə bir cümlə də səsləndi - "azadlığın nə olduğunu bilməyənlər, azadlıq uğrunda savaşmaq istəmirdilər".
Amma elə bu kanalda Həbib Bəy Səlimovun kömkəsiz qalan, Türkiyədən dəstək gəlməyən Nuru Paşaya nə qədər köməklik etdiyindən bəhs edilir. General-mayor, Həbib Bəy Səlimov AXC ordusunun ilk baş qərargah rəisi, Əsgəran savaşının qəhrəmanı kimi tanınır. (https://az.wikipedia.org/.../%C6%8Fsg%C9%99ran_d%C3%B6y...)
Nuru Paşa digər istiqamətdən qoşunlara komandanlıq etdiyi bir zamanda Həbib Bəy Səlimov da Azərbaycan qoşunlarını Gəncədən Bakıya qədərki yürüşündə Cənub qrupunun komandanı olub.
Bu yürüş zamanı avqustun 1-də Ələti, Atbulağı və Nəvahini azad edib. Bu nailiyyətlərinə görə hələ daşnak-bolşeviklərə qarşı əməliyyatların davam etdiri dövrdə ona polkovnik hərbi rütbəsi verilib.
Azərbaycan Xalq Cümhuriyyəti Milli Ordusunun dəftərxana rəisliyi ilə yanaşı, Azərbaycan korpusunun Baş Qərərgah Rəisi və Baş Ərkan-i Hərbin rəhbəri vəzifəsində çalışıb.
Həbib bəy Səlimov Azərbaycan Xalq Cümhuriyyətinin Hərbi naziri Səməd bəy Mehmandarovun 26 fevral 1919-cu ildə, otuz nömrəli əmri ilə Bakının azad edilməsindəki xidmətlərinə görə general-mayor rütbəsi ilə təltif olunub.
Yəni deməyim odur ki, öz tariximizə sahib çıxmasaq, beləcə bütün qələbəlrimizi "guya hansısa başqa dövlətlər təmin edib" eqosunu böyüdüb tarixin yaddaşına yazacaqlar.
Razi Abasbəyli
TEREF