Teref.az xəbər verir ki, Nurlan Aslanov adlı sosial şəbəkə istifadəçisi SOS sinalı erərək, Tərtər rayonunda tarixi mədəni abidməizlərdən birinin məmurların laqeydliyi üzündən məhv olduğunu bəyan edir. Nurlan Aslanov yazır:
SOS. SOS. SOS. Xahiş edirəm paylaşın.

Tərtər rayonu ərazisində kurqan tipli tarixi abidə məhv edilir. Həmin rayonun Tarixi abidələrin mühafizəsi şöbəsi buna göz yumur. Mənim israrlarım ki, abidənin yanına inventar nömrəsi qoyun, deyirlər ki, sənin nə maddi marağın var, biz nə maaş alırıq ki, benzinə verib kurqanları gəzək, inventar nömrəsi yazdıraq?!

Qırmızı dairəyə alınan həmin kurqandır. Mədəniyyət Nazirliyi tərəfindən Çaqqaltəpə adı ilə qeydiyyata alınmışıdır. 1789 nömrəli abidədir. İkinci şəkil Mədəniyyət Nazirliyinin rəsmi saytından götürülüb. Həmin şəkildə qeyd olunur ki, Çaqqaltəpə kurqanı Hüseynli( Hüsənli) kəndinin şimalındadır.

Üçüncü şəkil isə Tarix abidələrin mühafizəsi şöbəsinin mənə təqdim etdiyidir. Bununla bildirmək istəyirlər ki, mən səhv edirəm. Guya ki, 1789 nömrəli abidə onların xəritədə qeyd etdikləri yerdədir. O kurqanın Hüseynli kəndindən hansı istiqamətdə yerləşdiyini mən ağ xəttlə göstərmişəm. Göründüyü kimi onların qeyd etdikləri kurqan kəndin cənub-şərqində yerləşir.

Mənim nə maddi marağım olmalıdır ki ?! Həmin kurqanda dədə-babalarım dəfn edilməyib ki ?!
Bu bir vətəndaşlıq borcudur. Həmin idarənin isə həm də vəzifə borcudur ki, mühafizə eləsin.
Kurqanın üst qismindən çıxarılıb dağıdılanlar bir qisminin şəklini çəkə bilmişəm.

Əgər biz özümüz abidələrimizə belə laqeyd yanaşırıqsa, bəs onda niyə dünyaya car çəkirik ki, ermənilər bizim tarixi abidələrimiz, qəbirstanlıqlarımızı məhv edirlər.
Teref.az olaraq ümid edirik ki, Tərtər rayon Tarixi abidələrin mühafizəsi şöbəsi mövqeyini bildirərcək!
Teref.az