Nəsimi rayon İcra Hakimiyyətinin başçısı Asif Əsgərovun sentyabr ayının 10də keçiriləcək parlament seçkilərinə Yeni Azərbaycan Partiyası tərəfindəbn namizədliyinin irəli sürülməsi onun yerinə kimin təyin ediləcəyi məsələsini gündəmə gətirib.

Bakının ən perspektivli rayonu sayılan Nəsimi rayonuna təyin olunacaq yeni başçının kimliyi ilə bağlı mediada müxtəlif xəbərlər dərc edilir.

Mətbuatda dərc olunan məlumata görə Nəsimi rayonu İcra Hakimiyyətinə təyin ediləcək şəxslərdən biri hazırda Naftalan şəhər İcra Hakimiyyətinin başçısı vəzifəsində çalşan Vüqar Novruzovdur. Bildirək ki, Vüqar Novruzov 2019-cu ildən bu vəzifədə çalışır.

Digər bir xəbərdə isə İsmayıllı rayon icra Hakmiyyətinin başçısı Nahid Bağırovun bu vəzifəyətə gətiriləcəyi vurğulanır. Nahid Bağırov 2020-ci ildən İsmayıllı rayon İH-nin başçısı vəzifəsində çalışır.

AzFakt.com saytının əldə etdiy məlumata görə siyasi kluarlarda Nəsimi rayon İcra Hakimiyyətinin başçısı vəzifəsinə hazırda Prallahı rayonuna rəhbərlik edən Vasif İmanovun gətirləcəyi bildirilir.

V. İmanovun Nəsimiyə gətirilməsi onun yüksək təşkilatçılığı, yenilikçi və bacarıqlı kadr olması ilə əlaqələndirilir.

Qeyd edək ki, Vasif İmanov 2013-cü ildə Pirallahı rayon İcra Hakimiyyətinin başçısı vəzifəsinə təyin edilib.

Ötən müddət ərzində Pirallahı rayonunda aparılan abadlıq-quruculuq işləri sayəsində rayon Bakının ən gözəl məkanlarından birinə çevrilib.