"İşıqpulu məsələsinin "Azərişıq"a həvalə olunmasından sonra Sabirabad sakinlərinin günü göy əskiyə bükülüb". Bu sözlər redaksiyamıza ünvanlanmış müraciətdə yer alıb.

Narazılıq edən Sabirabad sakinləri bildirirlər ki, əvvəllər əgər onlar istifadə etdikləri elektrik enerjisinə görə ödəməni müxtəlif ödəmə nöqtələrində və həm də köçürmə yolu ilə edə bilirdilərsə, indi artıq Sabirabadda bu qeyri-mümkündür.

teref.az xəbər verir ki, Sakinlər dia.az-a yazır: ""Azərişıq" gələndən sonra işıqpulunu nağd formada yerli poçt idarəsində ödəməli oluruq. İndi özünüz təsəvvür edin, bütün Sabirabad camaatı işıqpulu ödəyə bilməsi üçün hansı vəzyyətə qatlaşır".

Əslində belə bir problem digər rayonlarda müşahidə olunmayıb ki, bu da yerli məmurların əlavə gəlir götürmə istəyi faktorunu ortaya çıxarır.

Araşdırmalarımız davam edir. Əlavə bilgilər verəcəyik. Qarşı tərəfin də mövqeyini işıqlandırmağa hazırıq...