PKK Türkiyədən Abdullah Öcalanın azad edilməsini tələb edib.

Bu barədə "Frans Press" PKK komandirinə istinadən məlumat yayıb.

Məlumata görə, bu gün PKK silahlılarının birinci qrupunun tərksilah prosesi başlayandan sonra terror təşkilatının qurucusu Öcalanın azadlığa buraxılması tələb edilib:

"Bu, bizim birinci tələbimizdir və sülh prosesinin davam etdirilməsi üçün əsas şərtdir. İstəyimiz həyata keçirilməyənə qədər, bu prosesin uğurla davam etmə ehtimalı çox azdır".

Bundan başqa, PKK ölkənin siyasi həyatında iştirak hüququ, həmçinin yaraqlıların Türkiyəyə qayıtması üçün təhlükəsizlik təminatları istəyib.