“Qazinin özünü yandıraraq intihar etməsi faktı çox böyük problemin mövcud olduğunu göstərir"
“Qazilərin psixloji vəziyyəti araşdırılmalı, müalicələri təmin olunmalıdır”.
Bunu Bakupost.az -a açıqlamasında millət vəkili Asim Mollazadə qeyd edib.
O, qazilərə ciddi psixoloji dəstəyin göstərilməli olduğunu və bunun üçün xüsusi sistemin yaradılmasının zəruriliyini vurğulayıb:
“Qazinin özünü yandıraraq intihar etməsi faktı çox böyük problemin mövcud olduğunu göstərir. Dəfələrlə parlamentin iclaslarında Azərbaycanda müharibə iştirakçılarına, qazilərə diqqət göstərilməli olduğu barədə çıxış etmişəm Onların çox ciddi psixoloji problemləri var. Vaxtında zəruri psixoloji dəstək almadıqları üçün ağır faktlarla üzləşirik. Ona görə də təxirəsalınmaz işlər görülməlidir. Xüsusi şəbəkə yaradılmalıdır. Onların psixloji vəziyyətləri araşdırılmalı, müalicələri təmin olunmalıdır. Təəssüf ki, belə bir sistem yoxdur. Söhbət qəhrəman oğullarımızdan, qazilərimizdən, müharibə əlillərimizdən gedir. Bu hadisə gözlənilən idi. Vaxtilə bir sıra ölkələr də eyni problemlə üzləşib. Amerikada Vyetnam müharibəsindən sonra bu halları “veteranlar sindromu” adlandırırdılar. Yəni, bunun fəsadları dünyada görünüb. Biz bu vəziyyətə hazır olmalıydıq”.