ABŞ-ın respublikaçı senatoru Rocer Uiker bildirib ki, Rusiya analoqu olmayan silahlara sahibdir və əlavə edərək qeyd edib ki, Rusiyanın "Poseydon" torpedolarına qarşı ABŞ-ın müdafiəsi yoxdur.

Cebhe.info TASS-a istinadən xəbər verir ki, Uiker bu barədə Konqres Senatının Silahlı Qüvvələr Komitəsində keçirilən dinləmələrdə danışıb.

Onun sözlərinə görə, Rusiya Federasiyası Birləşmiş Ştatlar üçün əhəmiyyətli nüvə təhlükəsi yaradır:

"Rusiya daha böyük və müasir nüvə arsenalına malikdir və həmçinin qısa müddətdə əlavə silahlar yaratmağa qadirdir", - deyə o vurğulayıb.

Uiker qeyd edib ki, Rusiya analoqu olmayan nüvə silahları, o cümlədən okeanı keçə bilən nüvə torpedoları, həmçinin qitələrarası ballistik raketlər yaradıb.

"Bunlardan ABŞ-ın özünü qoruması üçün müdafiəsi yoxdur", - deyə senator bildirib.

Senator çıxışında həmçinin qeyd edib ki, Pekin öz nüvə silahlarını sürətlə genişləndirir və modernləşdirir.