Əli Əsədov kadr islahatlarına başladı - iki köməkçi və işlər müdiri işdən çıxarılıb
23-10-2019, 10:01
Yeni təyin olunan Baş Nazir Əli Əsədov Nazirlər Kabinetində kadr islahatlarına başlayıb.
“Report”un əldə etdiyi məlumata görə, Ə.Əsədovun müvafiq əmri ilə Nazirlər Kabinetinin İşlər müdiri Adil Əhmədov, Baş Nazirin köməkçiləri Tofiq Sarıcalinski və Natiq Əzizov vəzifəsindən azad ediliblər.
Həmin vəzifələrə hələlik yeni təyinat olmayıb.
Xatırladaq ki, Prezident İlham Əliyevin oktyabrın 8-də imzaladığı sərəncamla Əli Əsədov Baş Nazir təyin edilib.
